Ourense: Buscando apoios para Florencio

Os alcaldes de O Barco e Vilamartín, Alfredo García e Enrique Álvarez Barreiro, a edila de Cultura barquense, Margarida Pizcueta, e a responsable da Irmandade de Florencio, Débora Álvarez, mantiveron un encontro onte co presidente da Real Academia Galega, Víctor Freixanes, na procura de apoios para conseguir un Día das Letras para o poeta de Córgomo, Florencio Delgado Gurriarán. Na reunión, Freixanes ofreceulles consellos nos pasos a dar para conseguir o seu obxectivo; e como volta recibiu o convite para unirse á Irmandade de Florencio.