A iniciativa do Concello estase a desenvolver na Casa da Xuventude
12 feb 2019 . Actualizado a las 14:33 h.A Casa da Xuventude de Verín acolle un «Curso de atención sociosanitario a persoas dependentes en institucións sociais» no que están a participar quince alumnos. As persoas que completen esta acción formativa conseguirán o certificado de profesionalidade nivel 1 -titulación mínima necesaria para traballar en institucións xerontolóxicas que se esixirá a partir do ano 2020- que os capacitará para atender de maneira óptima a persoas dependentes no ámbito sociosanitario na institución onde se desenvolva a súa actuación, aplicando estratexias e procedementos profesionais destinados a manter e mellorar a súa autonomía persoal e as súas relacións coa contorna. Para desenvolver este proxecto formativo o Concello de Verín conta cunha axuda da Consellería de Economía, Emprego e Industria da Xunta de Galicia. O curso desenvolverase ata o día 1 de xullo.