Os actos desenvolveranse no Museo Etnolóxico e na Casa da Cultura
12 jun 2021 . Actualizado a las 05:00 h.Hoxe • 19.00 e 19.30 horas • Casa da Cultura e Museo Etnolóxico de Ribadavia • Dúas citas literarias para esta tarde na capital do Ribeiro. Ás sete da tarde o poeta ribadaviense Jaime Moreda celebrará a primeiras das tres sesións solidarias para recadar fondos para a ONG Survival. Nesta primeira entrega recitará poemas da súa obra «45 poemas y 5 haikus». Os días 19 e 26 de xuño, á mesma hora, terán lugar as outras dúas sesións. Media hora máis tarde, neste caso no Museo Etnolóxico de Ribadavia, presentarase a obra «Alefato», de Xosé Lois García. Intervirán no acto César Llana, director do Museo; José Luis Chao, presidente do Centro de Estudos Medievais de Ribadavia; Roberto Abuín, da Editorial Toxosoutos e Clodio González Pérez, da mesma editorial. O aforo será reducido pola situación sanitaria.