O Ribeiro conta con etiqueta propia para o 8M

Concello de Ribadavia e Consello Regulador presentaron a obra no Museo Etnolóxico


O viño do Ribeiro reivindicará ás mulleres e ás súas demandas coa celebración do 8M. E faino cunha etiqueta propia que foi presentada onte pola concelleira de Benestar, Muller e Igualdade, Noe Rodríguez, o alcalde, Ignacio Gómez, o presidente do Consello Regulador do Ribeiro, Juan Manuel Casares, e representantes das adegas que participan nesta iniciativa. Noelia Rodríguez foi a encargada de presentar unha iniciativa que «ten por obxecto outorgarlle visibilidade as mulleres que tiveron e teñen nesta denominación de orixe o firme compromiso coa produción de viños de calidade diferenciada». Referiuse a concelleira a que esta iniciativa tivo a súa orixe na celebración da Cata de Mulleres enólogas do Ribeiro organizado para conmemorar o Día da Muller no ano 2018 e agradeceu o apoio recibido por parte do Consello Regulador así como do propio Concello e das adegas participantes. Terra do Castelo, Bodegas y Viñedos Pazo de Casanova, Divino Rei, Viña Costeira, Cuñas Davia, Celme, Leive Ecoadega, Herdeiros de Avelino Lorenzo, Viña Carpazal, Mónica Albor, Pousadoiro, Son de Arrieiro, Dona Elisa, Val do Deva, O Alborexar no Ribeiro, Vilerma, Antonio Montero, Pazo Tizón, Priorato de Razamonde, Bodegas Docampo, A Portela, Campante e Viña Mein foron as adegas que se implicaron co proxecto. A etiqueta é obra de Amina Álvarez, alumna do CEIP plurilingüe Ribadavia que foi a gañadora do concurso convocado para ilustrar a data. O acto de presentación da etiqueta desenvolveuse no Museo Etnolóxico de Ribadavia. 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Ribeiro conta con etiqueta propia para o 8M