As actividades comezarán na capital o 11 de xuño cun Maripicnic por Palestina
08 jun 2025 . Actualizado a las 05:00 h.Varias localidades ourensáns prepáranse para celebrar o mes do Orgullo LGTBQIA+.
A Asamblea aberta do Orgulho de Ourense xa ten todo preparado para unha edición que terá a Palestina coma protagonista. O calendario de actividades comeza o mércores 11 de xuño cun Maripicnic por Palestina no Canastro da Ponte Romana. O día 14, o programa continúa cun obradoiro drag e desfile de criaturas, seguido de monólogos cómicos, a cargo de Ela lo Menea e O Rabelo. O 15 de xuño terá lugar unha ofrenda floral a Blanco Amor no cemiterio de San Francisco; e presentarse o libro «Insubmisión ambigua», con Anxela Lema e Ana M. Amigo. O 19 de xuño está prevista a actividade «First Date Non Monógamo», que busca explorar modelos alternativos de relación afectiva. A programación inclúe tamén actividades para o público infantil. O xoves 26 de xuño, na Biblioteca Pública, ofrecerase o contacontos «Clover: Unha porquiña diferente», seguido dun obradoiro sobre corporalidades diversas. O venres 27 de xuño será unha das xornadas máis destacadas, coa celebración do segundo Festival Orgullo entre muros, un evento pechado no Centro Penitenciario do Pereiro de Aguiar. Pola noite, a partir das 20.00 horas, terá lugar unha manifestación na Praza Bispo Cesáreo.
Finalmente, o 4 de xullo, presentarase o libro «Vidas e Historias LGTBI na Idade Media», do escritor e investigador Carlos Callón.
O Concello de Ribadavia, a través da OMIX e en colaboración coa Taberna Treixadura, o Bar Kopa, a Cruz Vermella pon en marcha unha programación especial que se desenvolverá ó longo do mes de xuño. O cartel de actividades arranca hoxe coa proxección da película «Hedwig and the Angry Inch», na Praza de Abastos, ás 19.00 horas. O sábado terá lugar unha acción participativa de decoración urbana desde a Taberna Treixadura.