Grazas por colaborar ca Operación Quilo e conseguir que sexa Nadal para todos

Xulio César Iglesias Blanco CARTAS AL DIRECTOR

OURENSE CIUDAD

Unha imaxe da Operación Quilo deste 2024
Unha imaxe da Operación Quilo deste 2024 Santi M. Amil

25 dic 2024 . Actualizado a las 06:02 h.

En nome de todas as persoas que hai detrás da Operación Quilo, grazas!

Rematada a edición número 38 da Operación Quilo, desde a Asociación Xuvenil Amencer queremos agradecer a participación de todas as persoas que dunha ou doutra maneira quilaboraron para que en Ourense sexa Nadal para todas e todos.

Grazas a quen fixestes posible recadar 8.159 quilos de alimentos, 4.200 quilos de xoguetes, 6.200 quilos de roupa e 9.809 euros que se destinaron á compra de alimentos. Grazas tamén ás 1.186 persoas voluntarias, mozas e mozos que botastes unha man para facer posible a recollida, clasificación e reparto de todo o recadado. A través das 16 Cáritas parroquiais e 3 entidades sociais serán entregados ás 2.101 persoas ás que atenden durante todo o ano.

Detrás de todos os quilos e diñeiro recadados están: o tempo de moitas persoas voluntarias (especialmente xente moza), a colaboración de moitas entidades e de representantes de diferentes organizacións e colectivos, a participación de numerosos locais comerciais e empresas da cidade, a achega de persoas anónimas, a difusión da campaña a través dos medios e redes, en especial a La Voz de Galicia e, sobre todo, a solidariedade e o compromiso que nos levan a facer o que está nas nosas mans para axudar a quen nos necesitan.

En nome da Comisión de Solidariedade de Amencer e no das persoas destinatarias desta axuda: Grazas! Quilaborando no presente, somos futuro. Bo Nadal e próspero 2025!

Xulio César Iglesias Blanco e todo o equipo coordinador da Operación Quilo 2024