O «Atrápame se podes» busca concursantes que lle fagan «soltar o bote» a Paco Lodeiro

La Voz REDACCIÓN / LA VOZ

OURENSE CIUDAD

O presentador Paco Lodeiro nunha emisión do «Atrápame».
O presentador Paco Lodeiro nunha emisión do «Atrápame». tvg

O concurso da TVG realiza nos vindeiros días «castings» en varios lugares de Galicia

18 abr 2023 . Actualizado a las 16:43 h.

«Paco, solta o bote!» é unha das frases que máis se está repetindo en Galicia conforme se vai incrementando a cantidade de cartos acumulados no gran premio do Atrápame se podes. O bote acumulado no programa líder das noites da Galega supera xa os 81.000 euros. O concurso presentado por Paco Lodeiro xa leva repartidos máis de 125.000 dende a súa estrea. Hai quen levou, ao saír vitorioso nos chanzos, o petisco diario de 200 euros. E houbo quen xa meteu no peto un bote, coma fixera en verán de 2021 un concursante, Ramiro Vidal, de Oleiros.

Tes ganas de contestar as preguntas cheas de humor e contido galego que cada noite enchen a pantalla? Queres saudar dende o plató aos familiares que che din que nunca serías capaz de saír na tele? «Para vivir a experiencia Atrápame é o momento ideal, achégase o verán, veñen as verbenas, as festas e todo iso vaise notar nas emisións», sinala un Lodeiro que desexa «soltar o bote». «Máis que nada polos meus pais, que sempre me recordan que xa é hora de ilo dando», engade con retranca. Chegou polo tanto a hora de pasar de ser espectador a concursante grazas aos casting que se poñen en marcha esta mesma semana.

Proba de cásting do «Atrápame» no centro comercial Cuatro Caminos, en A Coruña.
Proba de cásting do «Atrápame» no centro comercial Cuatro Caminos, en A Coruña. tvg

Ourense, Cee e Vigo recibirán a visita do Atrápame. O horario para participar será de mañá (entre ás 11h-14h) e de tarde (entre ás 16h-19h) e o único requisito para presentarse é ser maior de idade.

O mércores 19 de abril o proceso de escolla do programa instalarase no Centro Comercial Ponte Vella (2a planta) de Ourense; o xoves 20 na Praza do Mercado de Cee e se chove no Centro Comercial Finisterrae (1a planta); e o venres 21 no Centro Comercial Camelias de Vigo.

Proba de casting do «Atrápame» no centro comercias As Cancelas, en Santiago de Compostela.
Proba de casting do «Atrápame» no centro comercias As Cancelas, en Santiago de Compostela. tvg

Para todas aquelas persoas interesadas que non poidan acudir presencialmente a ningún casting, tamén están habilitadas varias canles de comunicación para enviar a súa candidatura. Prégase que se adxunte un vídeo de presentación breve e os datos de contacto, incluíndo o nome completo, teléfono, idade, lugar de nacemento e ocupación, por WhatsApp ao 629 613 376 ou ao correo atrapamesepodes@crtvg.gal.