Parque termal no rañaceos xa!


O alcalde da cidade semella unha licencia poética de Otero Pedrayo. Membro destacado da lexión dos renegados do angazo, gosta de gabarse de non falar galego -e como Paco Vázquez é un dos mellores castelán falantes en galego, por máis que ninguén llo explique- ao tempo que espalla nas redes sociais a súa faceta agropop sentimental, con imaxes na aldea entre as vides e os soutos familiares do seu pobo; na Ribeira Sacra ourensá. Entre a vendima e a castañeira que diría o de Trasalba.

Debeu ser nunha destas que pasou un bo refacho de vento, arrincou ourizos e castañas a eito no souto de Forcas e zas!, apareceu un rañaceos. E vai Jácome e ponnos de novo no mapa dos inventos do TBO e engade unha nova páxina de gloria ao seu currículo mediático. Ourense vai ter un rañaceos de 80 plantas e 300 metros de alto. Será o maior da península e dos primeiros de Europa. Un mundo no que van coller os traballadores da Xunta, servizos os que se queira e un corre-verás-con-sete-mazás-que-anda-para-adiante-e-camiña-para-atrás.

Aínda que da información sobre o tal non se infire que leve tales cousas propoño, modestamente, que se lle engada -ao xeito dun dos «MacGuffin» de Hitchcock- un parque acuático termal e saídas de emerxencia a base de ramplas. Deste xeito poderá facer unha trepia cos primeiros proxectos que non será quen de materializar nos seus anos de alcalde. A zona inundábel e a propiedade dos terreos van mandar o parque a onde está soterrado o «Ourense cara ao novo milenio» e as ramplas de Progreso ao Auditorio dáme que as vai papar Patrimonio. No 2020 xa haberá tres penitentes máis na procesión da Santa Compaña.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

Parque termal no rañaceos xa!