«Levamos trinta anos co problema, e se a Administración non actúa temos que marchar»
OURENSE CIUDAD
Afectados polos ataques dos xabaríns podemos atopalos en moitas aldeas da comarca. Na aldea de As Nogueiras, en Doade, están cansos de resementar e de vixiar prados e leiras. É o caso de Luís García Ferreiro.
-En cantas fincas actuaron os animais?
-Foron unhas seis fincas as afectadas. Os xabaríns levantaron terra, pedras... deixaron todo que é un desastre e despois nin se pode pasar a rotativa polos prados.
-Ao millo non foron?
-Non xa que o temos cerrado co pastor, pero isto xa non se pode aguantar máis... Levamos trinta anos co problema e se a administración non actúa e non toma cartas no tema temos que marcharnos e as aldeas quedarán baleiras. Non sei que esperan para actuar.
-Algún afectado apostaba por facer vixianzas nocturnas...
-Nós vixiamos todas as noites pero son animais moi astutos e van dun prado para outro. Ti estás aquí e eles alá. É imposible controlalos.
-Aposta máis polas batidas?
-Se nunha tempada se matan uns 60 para a seguinte hai o dobre. Os montes de Ourense que se divisan dende aquí son un auténtico criadeiro de xabaríns. O certo é que a situación é insostible e xa estamos máis que cansos de padecer ano tras ano destrozos nas leiras.