«A chegada do AVE leva un retraso en torno ao ano e medio»

Xosé Carlos Fernández Defende que a futura estación de mercancías sitúese no polígono de San Cibrao


ourense / La voz

Xosé Carlos Fernández dará este mércores, como experto ferroviario, unha conferencia no Liceo que versará sobre tres eixes: cando e cómo chegará a alta velocidad a Ourense, a conexión directa con Vigo e a mellor solución para as mercancías por tren.

-En qué situación están as obras de alta velocidad?

-Agora xa non é un problema tanto de obras, como foi nos últimos oito ou dez anos. Neste momento, calquera que viaxe a Madrid dase conta que as obras están nalgún caso rematas e entre Sanabria e Ourense están nun grado de avance que non se pode discutir. O que lle preocupa máis a xente e cando e como chega ou as frecuencias que teremos. A xente quere ver como lle vai afectar persoalmente.

-E cando chegará?

-A última da que se dera co Partido Popular e o ministro de la Serna fora que estaría en probas a finais deste ano 2019. Iso xa se pode confirmar que non pode ser. O actual goberno do PSOE non confirmou, pero tampouco ratificou a data. Están deixando pasar o tempo, pero hai unha serie de pistas que avalan que non estarán finalizada as obras este ano para comezar co período de probas. Realmente, o retraso o evalúo en torno a un ano ou ano e medio. Aínda non está terminada, por exemplo, as plataformas dos viadutos de Teixeiras e outros. A plataforma pode estar acabada en outubro, pero despois hai que tender a vía e electrificala o que pode levar ano e medio ata ter toda a superestrutura o que nos sitúa a principios de 2021, ao que hai que sumar polo menos medio ano de probas.

-Haberá máis frecuencias de trens a Madrid?

-O viaxe durará dúas horas e cuarto a Madrid. Iso é o que teñen anunciado. Iso permitirá aumentar unha frecuencia ao día, xa coa apertura do tramo Zamora-Sanabria, que permitirá rebaixar o tempo en 50 minutos. Tamén ese tempo, con toda seguridade, permitirá que o tren matinal que sae de Santiago podería saír de Coruña. Outra limitación para ampliar as frecuencias ten que ver co número de trens, que son moi limitados.

-Cal e a súa proposta para a conexión directa con Vigo?

-Fomento o que ten pensado e usar o eixo Atlántico sen entrar en Santiago, co que se gañaría entre dez ou quince minutos con relación ao recorrido polo Miño. Un viaxe de unha hora ou unha hora e cinco para un ourensán non é competitivo. A opción de Cerdedo non se vai facer na vida, polo alto custe que ten -2.300 millóns para aforrar 20 minutos- e a miña proposta pasa por unha liña directa polo río Tea e Mondariz que deixaría o viaxe co mesmo tempo que a Santiago, que cando se faga nos trens AVE de verdade quedará en 25 minutos.

-Fálase pouco das mercancías.

-Ourense está nun punto idea para a entrada e saída de mercancías de Galicia pola liña actual de Zamora. A estación de mercancías de Ourense ten que situarse no polígono de San Cibrao.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

«A chegada do AVE leva un retraso en torno ao ano e medio»