Andrea Nespereira: «A obra fala das problemáticas femeninas a todos os públicos»

A ourensá chega ao Auditorio como unha das protagonistas de «Mujeres de paciencia salvaje»


Ao Auditorio chega a montaxe «Mujeres de paciencia salvaje» (20.30 horas). A obra leva colleitado un importante éxito en Madrid, onde se estivo a representar dende marzo ao pasado venres, e ao onde volverá en xaneiro. A dramaturxia e dirección é de Ximena Vera e as intérpretes son Marta Cuena, Raquel Pardos, Ximena Vera e Andrea Nespereira (Ourense, 1984). A actriz ourensá espera que, logo da representación de hoxe, a obra chegue a outros puntos de Galicia.

-Contos en clave femenina?

-Ximena Vera creou unha obra na que, tomando contos populares, se incide en problemáticas específicas das mulleres. «As zapatillas vermellas», «A vendedora de mistos», «Barba azul» e «A muller esqueleto» sirven para abordar aspectos como a castración da muller, a parálise, os malos tratos e outras problemáticas.

-Satisfeita co resultado?

-Contentísimas. Levamos enchendo todo este tempo e veñen dende colectivos feministas a homes que nos felicitan por amosarlles as problemáticas das que estamos a falar. Aborda situacións femeninas pero non é unha obra para mulleres senón para todos os públicos.

-A presenza en Ourense ten que ver algo coa orixe?

-Por suposto! Quería que a obra se vise na miña cidade e queremos entrar na rede de Agadic para poder xirar por Galicia con ela.

-Remataron en Madrid?

-Non. Estaremos de novo de xaneiro a marzo e logo sairemos de xira.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

Andrea Nespereira: «A obra fala das problemáticas femeninas a todos os públicos»