Yelco Armada: «O mundo clásico e a mitoloxía sempre me fascinaron»

O ourensán publica o seu primeiro poemario, unha obra marcada «polo amor, o desamor e outros sentimentos»


Logo dun proxecto editorial que non chegou a bo porto, Yelco Armada (Ourense, 1998) decidiu mergullarse nunha nova experiencia. Parte do material que dá forma ao seu poemario procede desa iniciativa frustrada e outros textos foron creados para este libro. E logo de catro anos de traballo naceu «Jardín de la decadencia» (Círculo Rojo Editorial).

-A mitoloxía era o terreo para esta primeira obra literaria?

-O mundo clásico e a mitoloxía sempre me fascinaron. No poemario está moi presente Narciso, así como outros personaxes clásicos, e son textos nos que o amor, o desamor, os impulsos e os sentimentos, así como a reflexión sobre todo iso, teñen un especial protagonismo.

-E as flores?

-Son outro dos símbolos. Interésame incidir na súa delicadeza, no florecer, na destrución ao pisalas... e como cada rexurdimento simboliza unha nova etapa.

-Nos poemas aparecen referencias a Saraxevo, Al-Andalus, Himalaya.

-No caso concreto desas pezas responden a momentos concretos da miña vida, que deron pé ao nacemento dos mesmos. Para o do chelista de Saraxevo inspireime nun documental que vin na televisión sobre a guerra e o esforzo por levantarse de novo logo da decadencia. O soño andalusí fala do legado árabe, dos mouros e da beleza. Himalaya é outro miragre, e naceu logo de ver un documental en televisión, referido a como a vida se asoma ata nos territorios máis feros.

-Traballa nalgún proxecto?

-Vou recuperar os poemas galegos non editados para facer outro libro, con novos materiais. E aínda teño pendente presentar este poemario.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Yelco Armada: «O mundo clásico e a mitoloxía sempre me fascinaron»