Marcos Pardo: «Díxenme que se podía escribir cancións tamén podía facelo nunha novela»

O músico presenta no Liceo de Ourense a súa primeira obra literaria: «Luz, un camino truncado»


Marcos Pardo (Ourense, 1990) presenta esta tarde o seu primeiro traballo literario. «Luz, un camino truncado» é unha novela que o seu autor enmarca no mundo do misterio e do drama, con referencias a tradicións coñecidas. A obra preséntase esta tarde no Liceo (20.30 horas).

-Que acontece na historia?

-A protagonista é unha rapaza que o perde todo por culpa dunha persoa malvada. Esa circunstancia servirá para darlle o pulo necesario para reorientar a súa vida e loitar por saír adiante.

-Ficción mais con referencia a cousas coñecidas?

-Todo é froito da miña imaxinación mais tamén é certo que hai referencias a elementos moi presentes na cultura galega, como poden ser os pazos, e unha lenda. A mesma tamén é inventada por min, aínda que toma como referente a de Santa Mariña de Augas Santas por ser un espazo que me é particularmente querido e polo que teño especial predilección.

-Vostede é músico. Que o animou a escribir esta novela?

-Comecei con esta historia hai uns anos e díxenme a min mesmo que se era quen de contar as cousas que pasan ou recoller episodios da vida o da realidade social nas letras das cancións tamén podía facelo nunha novela.

-Traballa nalgún outro proxecto?

-Estou cunha nova obra. Tamén será de ficción, aínda que neste caso ambientada hai 200 anos. Vai ser unha novela histórica que levará por título «Paenitentia».

-E na súa faceta musical?

-Estou rematando o meu primeiro disco. Son dez temas, de composición propia, e sairá a comezo do 2019.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Marcos Pardo: «Díxenme que se podía escribir cancións tamén podía facelo nunha novela»