«O papel da muller na arte, e na cultura en xeral, non é un refrexo da realidade social»

A actriz actúa mañá no Principal xunto a Fele Martínez, Cristina Plaza, Lucía Barral, Nuria González e Lola Casamayor


Día 6 • 20.00 horas • Principal • De 12 a 20 euros • A Ourense chega mañá a montaxe «Todas las mujeres», unha obra que conta a historia de Nacho, un veterinario que se enfronta ás mulleres da súa vida. Diante del aparecen a súa amante, a súa nai, a psicóloga, a ex moza e a súa cuñada. Con todas ten contas pendentes e chegou o momento de resolvelas. Fele Martínez é Nacho e Lola Casamayor, Mónica Regueiro, Lucía Barra, Cristina Plaza e Nuria González son todas as mulleres. A actriz galega destaca a boa acollida que está tendo a montaxe por parte da crítica e do público.

-Chegar cunha obra dirixida por Daniel Veronese é sinónimo de éxito?

-Está claro que é un dos directores máis prestixiosos da escena neste momento, mais tamén estamos falando dun texto do que son autores Mariano Barroso -que é un coñecido realizador e o presidente da Academia do Cine español- e Alejandro Hernández, cunha importante traxectoria como escritor e guionista.

-Como valora a experiencia?

-O resultado está sendo marabilloso. Estivemos seis semanas de tempada en Madrid, con cheos e unha excelente acollida por parte de crítica e público -o cal non se dá moitas veces- e agora estamos enchendo nas representacións da xira.

-Con que se vai atopar o espectador?

-Cunha comedia que invita a reflexionar e a pensar. En palabras dalgún crítico «é unha comedia menos lixeira do que parece». En «Todas as mulleres» fálase de mulleres fortes, independentes, autosuficientes, dun estereotipo de muller moi diferente e moi real. É certo que como comedia é unha montaxe para pasar unha velada divertida, mais ao mesmo tempo faite cavilar e reflexionar sobre a vida e as cousas importantes.

-Vostede tense significado na reivindicación de xénero.

-É que o papel da muller na arte, e na cultura en xeral, non é un refrexo da realidade social. Fálase de nós dende a perspectiva masculina, na maior parte dos casos, e non vai máis alá do 25 % a presenza de mulleres nos postos de decisión. Aínda que non o pareza, por iso escollín este texto. As cousas están cambiando logo do 8M, mais aínda queda moito por facer e camiño por andar.

-Como siguen os seus proxectos en cine e teatro?

-Participei como produtora na película «Llueven vacas», que se centra na violencia de xénero, e estamos traballando na promoción da mesma e nun circuíto cultural para que chege aos mozos e sirva para loitar contra esta lacra. En teatro hai dous proxectos, que deberán agardar porque estaremos con esta obra ata xuño do 2019.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«O papel da muller na arte, e na cultura en xeral, non é un refrexo da realidade social»