A performance poderase ver na antiga capela do Campus ourensán
14 jun 2018 . Actualizado a las 05:00 h.Hoxe • 20.00 horas • Campus de Ourense • De balde • Dentro das actividades do ciclo de música contemporánea Do Audible, da Secretaría Xeral de Cultura, hoxe poderase ver en Ourense a montaxe «Wendy vai a México». A obra defínese como «un cómic sonoro cheo de enerxía que xira arredor da literatura e da improvisación electroacústica». Creado o proxecto a partir de fragmentos da primeira novela da dramaturga e creadora de instalacións teatrais austríaca Natascha Gangl, serán ela e o dúo Rdeca Raketa (Foguete Vermello), formado por Matja Osojnik e Matija Schellander, músicos e compositores cunha activa presenza internacional, os encargados da posta en escena da performance na antiga capela do Campus. O ciclo Do Audible, que dirixe Vertixe Sonora, ten como obxectivo achegar a un público amplo a creación sonora contemporánea en diálogo con diversos ámbitos da cultura e o pensamento.