Luar na Lubre pon música á Ribeira Sacra

A banda ofrece dous concertos no Teatro Principal de Ourense para presentar o seu novo disco


Hoxe e mañá • 21.00 (hoxe) e 20.00 horas • Teatro Principal • 20 e 25 euros (14 euros en clicentradas.es) • A banda liderada por Bieito Romero apostou pola volta ás orixes, a familia do músico coruñés procede de Esgos e Xunqueira de Espadanedo, para converter en música a Ribeira Sacra. Un proxecto que mergullou aos membros de Luar na Lubre coa natureza, os seus sons e os seus sinais de identidade. A auga, o vento, as campás, o barallete ou os afiadores aparecen incorporados nas cancións que forman parte do disco «Ribeira Sacra». Os dous concertos que se celebran esta fin de semana no Principal, hoxe e mañá, serán o comezo dunha xira por todo o mundo: xa hai máis de trinta actuacións confirmadas para presentar «Ribeira Sacra» en Arxentina, Bélxica e Reino Unido, ademais de citas por toda a península.

 

 

De Víctor Manuel a Ses

No novo disco de Luar na Lubre participan Bieito Romero (gaitas, acordeón e zanfona), Belém Tajes (voz), Antía Ameixeiras (violín), Patxi Bermúdez (bodhran, tambor e djembé), Pedro Valero (guitarra acústica), Xavier Ferreiro (percusión latina e efectos) e Xan Cerqueiro (frautas). No disco, que conta con 26 temas, colaboraron Víctor Manuel, Ses, Coral de Ruada, Nani García, Marisa Valle Roso, Juan A. Antepazo (Astarot), Irma Macías, Félix e Castor Castro e Brais Maceiras, entre outros. Tamén acompañarán a Luar na Lubre nos concertos do Principal (Víctor Manuel só estará hoxe).

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Luar na Lubre pon música á Ribeira Sacra