Catorce compañías participarán na mostra de teatro que se celebrará do 23 ao 30 de decembro
19 dic 2017 . Actualizado a las 05:00 h.Do 23 ao 30 de decembro • Auditorio, Teatro Principal, Campus de Ourense e rúas da cidade • Prezos: de 3 a 5 euros • Todos os horarios en www.sarabelateatro.com (enlace MOTI) • Como «un traballo a prol da cultura e a prol da infancia» foi definida a Moti polo alcalde de Ourense na presentación do festival de teatro para o público infantil. Unha mostra que chega como o que os propios organizadores queren que sexa: un tempo para que os país podan compartir a ilusión cos seus fillos para que se convirta no «mellor agasallo» destas festas de Nadal. A MOTI comezará o día 23 coa montaxe «EMOTIonario», espectáculo de Trécola Teatro que se poderá ver na Praza de San Martiño (18.00 horas).
Nesta décimo cuarta edición do certame participarán catorce compañías, e haberá dezaseis representacións, e a oferta será moi variada: «Teremos danza, música, monicreques, teatro de sombras, de autor e de rúa», segundo sinalou o director do certame Fernando Dacosta. Xunto a el presentaron a MOTI 2017 o alcalde de Ourense e a concelleira de Cultura, Jesús Vázquez e Belén Iglesias, o vicerrector do Campus de Ourense, Virxilio Rodríguez, e a directora do Teatro Principal, Olga Mojón. O rexedor desculpou a ausencia de Jacobo Sutil, de Agadic.
Compañía de Arxentina
Na presentación incidiuse na necesidade de contar con propostas, como a Moti, que axuden aos pais a conciliar a vida familiar e laboral nas datas de Nadal e tamén se salientou o papel que xoga o certame que organiza Sarabela, ao formar aos futuros espectadores e a achegar aos máis cativos ao mundo da escena.
A presenza dos grupos galegos será maioritaria, destacando Fernando Dacosta a calidade e a ampla variedade que se está a dar en Galicia neste sector, e como novidade salientouse a presenza dun grupo de Arxentina, o que lle dá carácter internacional á Moti do 2017.