02 jun 2014 . Actualizado a las 16:03 h.
A Feira do Libro de Ourense contará coa presenza dun intérprete da linguaxe dos signos. A iniciativa forma parte dun convenio de colaboración entre a Federación de Libreiros de Galicia e a Federación de Asociacións de Persoas Xordas de Galicia. O obxectivo é que todos os asistentes á feira que sexan persoas xordas podan entender a todos os participantes nas presentacións, actividades complementarias, obradoiros, sinatura de libros e outros actos. É a primeira vez que se pon en marcha esta iniciativa para tentar facilitar o acceso á comunicación das persoas xordas. A Feira do Libro de Ourense abrirá mañá ao público ao medidodía e para as 20.00 horas está prevista a inauguración oficial, co pregón da escritora Yolanda Castaño.