«Non tentamos aportar respostas, senón xerar debate»

Ilmaquinario representa esta tarde en Carballo «O home almofada»

v.m. carballo"> á.p. carballo la voz< span>

Cunha longa traxectoria como actor Tito Asorey (Ourense, 1977), foi encamiñando nos últimos anos os seus pasos cara á dirección e o ano pasado, xunto a un grupo de compañeiros, formou a súa propia compañía Ilmaquinario, que esta tarde representará en Carballo (Pazo da Cultura, 21.00 horas, 3 e 4 euros), O home almofada, un thriller que respira humor negro.

-¿Por que decidiron debutar con esta peza en particular?

-Cando montamos a compañía buscamos unha obra de forte contido social, unha dramaturxia contemporánea que nos permitira un traballo interpretativo intenso e que conectara tamén coa xeración á que pertencemos os integrantes da compañía. Estivemos meses buscándoa e cando apareceu esta peza de Martin McDonagh non houbo dúbida. É un dos mellores textos dos últimos anos da dramaturxia internacional

-Na presentación dos Venres Culturais comentou que é unha peza arriscada. ¿En que sentido?

-É unha peza que xoga cun humor negro moi forte, como é normal no autor, e o risco vén dado pola mestura de comicidade e traxedia. O autor fala da violencia infantil, de malos tratos e da educación totalitaria cun humor fondamente escuro e, transitar esa liña entre a comiidade e a dureza é un risco. Nós abordamos a peza desde o cariño e a tenrura e por aí atopamos unha vía para manter esa liña.

-Na obra reflexiónase sobre a violencia na arte. ¿Que conclusión sacou vostede ao respecto?

-Falase da moral na arte e de que ata que punto un artista é responsable das consecuencias das súas creacións na xente. McDonagh é un autor coñecido pola violencia que desprega nas súas pezas e esta vén a ser case que unha contestación ás críticas que recibiu cando estreou outras das súas obras. No Home almofada fai un alegato de que o artista conta historias, non pode ser responsable, porque senón podería caerse na censura, pero de todos xeitos nós non tentamos aportar respostas, senón xerar debate.

-¿Como é dar os primeiros pasos para a compañía nun momento como o actual?

-É unha época moi complexa na que están pechando moitas compañías, algunha delas de longa traxectoria. A situación política e económica non axuda e os gobernantes tampouco están á altura necesaria para axudar a algo de gran importancia para a cultura, a identidade e a lingua galega, como é o seu teatro. Estano deixando morrer. Nós chegamos nun momento complicado, pero facémolo coa ilusión e a forza da nosa xuventude e coa experiencia da nosa formación e do traballo en outras compañías.

-¿Gústalle máis estar tras o escenario que sobre el?

-Sego sendo, evidentemente, actor, pero é certo que dun tempo a esta parte estoume dedicando máis a labores de dirección ou de axudante de dirección. Pero non se trata de compartimentos estancos. Como director, no traballo cos actores, o feito de selo eu tamén axúdame a buscar as estratexias que poidan funcionar mellor.

tito asorey director teatral

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
2 votos

«Non tentamos aportar respostas, senón xerar debate»