O pemento de Oímbra celebra a súa festa anual o domingo

Ao longo da xornada está previsto vender sobre mil quilos de pementos

X. m. r.

Este domingo, 5 de agosto, terá lugar a vinte e unha edición da Feira do Pemento de Oímbra. Unha festa declarada de Interese Turístico Galega no ano 2009.

Máis de mil quilos serán os que se ofrezan, gratuitamente, a todo aquel que se achegue ata o municipio ourensán. A partir das once da mañá os fogóns traballarán ao longo de todo o día para servir os saborosos pementos.

Para presentar este evento, reuníronse na sala de xuntas da Deputación de Ourense a alcaldesa de Oímbra, Ana María Villarino Pardo, e o vicepresidente da institución provincial, Rosendo Luis Fernández. Unha cita onde non faltaron as boas palabras cara a alcaldesa, tanto pola súa forma de goberno como pola calidade dos produtos agrícolas que son as chaves da economía deste concello.

«A variedade do cartel ten como finalidade compracer a toda clase de público», afirmaba Ana María Villarino. Unha programación que reúne dende xogos tradicionais ata un concurso de cociña, pasando por diversas actuacións musicais e unha exposición de postos artesáns.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

O pemento de Oímbra celebra a súa festa anual o domingo