O Carballiño edita unha monografía sobre o Mestre Vide

A publicación de Javier Jurado incide na relación do compositor coa vila e con Fariña Jamardo e Juan Corral


En 1952 José Fernández Vide, o Mestre Vide, compoñía a canción «Carballiño» tomando como base un texto de Xosé Fariña Jamardo. A peza foi considerada dende entón como un himno da vila carballiñesa, sendo cantada durante anos polos escolares nos colexios e interpretada, con certa frecuencia, polas corais do Carballiño, De feito a Coral Polifónica do Casino do Carballiño incluiu a peza no seu primeiro cedé. Con motivo da celebración do 125 aniversario do Mestre Vide o Concello, a proposta do músico Óscar Ibañez, promotor da iniciativa, tomou en consideración recuperar nunha publicación a historia deste tema musical. que foi posible pola intermediación de Juan Corral Pajariño, amigo de Vide. O traballo «O Carballiño. Canción. José Fariña Jamardo-José Fernández Vide» é unha edición crítica realizada por Javier Jurado Luque, catedrático de Historia da Música no Conservatorio Superior de Música de Vigo. A publicación  consta de 24 páxinas e será presentada durante un concerto de homenaxe ao Mestre Vide que ofrecerán o mércores, 17 de abril, ás 20.00 horas, no auditorio municipal Manuel María, a pianista Noemí Salomón e a soprano Anaís Fernández, cola colaboración final da Coral Polifónica Casino do Carballiño. O Concello agasallará aos asistentes cun exemplar da obra, que conta cunha tirada de mil exemplares. No acto contarase coa presenza do secretario xeral de Política Lingüística, Valentín García.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Carballiño edita unha monografía sobre o Mestre Vide