O BNG do Carballiño terá una lista de persoas «preparadas e diversas»

O partido nacionalista presentou a candidatura na vila do Arenteiro


Ourense

O Bloque Nacionalista Galego presentou no Hotel Arenteiro a súa candidatura para as municipais no concello de O Carballiño encabezada por Chema Ferreiro. Noa Presas, deputada no Parlamento de Galiza pola mesma formación política, arroupou á lista nacionalista e xustificou que «Carballiño mellorará se o BNG sae reforzado dos comicios do 28A e o 26M».

O acto realizado pola formación nacionalista valorou a ausencia da voz dos galegos no Congreso dos Deputados durante as últimas lexislaturas, «que se caracterizaron pola inestabilidade e os casos de corrupción das formacións estatais.Podemos errar pero non enganamos a ninguén. En 30 anos de historia, temos cero casos de corrupción nas nosas filas» sinala a deputada galega. Aos que fan turismo electoral en Galiza agora e non se preocuparon polos problemas dos e das galegas dicímoslle que Iago Tabarés non estará de turismo no Congresos dos Deputados senón para defender a Galiza, a Ourense e ás problemáticas que teña Caballiño» afirma Presas.

Durante o acto, tamén houbo a intervención de Chema Ferreiro, candidato á alcaldía polo BNG no Carballiño. O cabeza de lista amosou a súa ilusión ante os comicios de maio ante a lista de persoas «preparadas e diversas» que conforman a candidatura nacionalista. Asemade, Ferreiro aseguraba estar preparado para uns bos resultados electorais tanto nas eleccións de maio como de abril debido ao «achegamento da xente cara o BNG neste tempo. De nada serve defender o tren se es alcalde ou concelleiro e que os teus compañeiros de partido que están en Santiago ou en Madrid fagan o contrario como padecedes vós no Carballiño” apuntou Noa Presas ante os asistentes na presentación de candidatura. Continuou preguntando: “cantas veces vos viñeron contar en campaña que ía haber máis tren? E que fixeron despois? Na-da.»

POla súa banda, Iago Tabarés, candidato do BNG ao Congreso dos Deputados pola provincia de Ourense, estivo nun coloquio realizado no concello de Barbadás. A este acto tamén acudiu o candidato do BNG á alcaldía do propio concello, e Noa Presas, deputada no Parlamento de Galiza. Durante a xuntanza, destacouse o aumento de apoios e simpatías ao BNG en todo o país e en especial na provincia de Ourense.

A xuntanza tivo lugar na cafetería Solaina, na localidade de A Valenzá. Un encontro onde as e os asistentes puideron intercambiar ideas e propostas cos candidatos aos respectivos comicios. Asemade, a deputada do BNG por Ourense no Parlamento estivo no encontro para aportar a visión da «necesidade que ten a nosa provincia de teren representación nas institucións públicas coma o Parlamento de Galiza ou o Congreso dos Deputados».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
15 votos
Comentarios

O BNG do Carballiño terá una lista de persoas «preparadas e diversas»