A Real Banda de Gaitas estreará en Arxentina a «Alborada en Buenos Aires», composta por Foxo

A estrea terá lugar no Teatro Avenida o próximo martes

A Real banda de Gaitas da Deputación ensaia para a súa viaxe á Arxentina

ourense / la voz

A Real Banda de Gaitas da Deputación de Ourense estreará en Arxentina a composición Alborada en Buenos Aires, un tema composto polo director desta formación musical, Xosé Lois Foxo, en homenaxe aos emigrantes galegos en Bos Aires.

Estrearase no concerto que a Real Banda dará no Teatro Avenida da capital bonaerense o próximo martes, 13 de novembro, dentro do repertorio de composicións galegas e música arxentina que ofrecerá ao público neste emblemático teatro. Para Foxo é «unha homenaxe aos galegos que conforman a quinta provincia».

Dáse a circunstancia de que hai xusto vinte anos que a Real Banda actuou nese mesmo teatro, coincidindo cunha visita institucional organizada ao cumprirse os oitenta anos do Centro do Partido do Carballiño. Nela participara o entón presidente da Deputación, José Luis Baltar, e tamén algúns alcaldes, como Pachi Vázquez.

Precisamente agora a viaxe da Real Banda de Gaitas a Arxentina enmárcase nas actividades con motivo da entrega do premio Ourensanía ao Centro do Partido do Carballiño en Bos Aires e ao Centro Ourensano de Montevideo, que terá lugar o domingo, un galardón que recoñece o labor destas dúas institucións na promoción da ourensanía na colectividade galega de ámbolos dous países. Ademais, a Real Banda de Gaitas ofrecerá concertos no Centro Galicia de Bos Aires e no Centro Ourensán de Montevideo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

A Real Banda de Gaitas estreará en Arxentina a «Alborada en Buenos Aires», composta por Foxo