«O Festival de Teatro en Galego é un ben de todos e para todos»

Josi Lage é a directora do Fetega, certame que viu reducida a súa programación tras quedar sen axudas daAxencia Galega de Industrias Culturais


Ourense / La Voz

Josi Lage confesa que organizar o festival supón un esforzo agotador e que pensa que sería bo que alguén lle tomase o relevo trala edición do ano que ben. Sen embargo, afirma que síntese satisfeita co logrado ata agora.

-Este ano a Agadic negoulle ao festival a subvención, ¿en que afectou iso ao certame?

-En lugar de ter cinco días de teatro tivemos que reducilo a tres, pero mentres eu sexa a directora do Fetega non vai a desaparecer. Ninguén entende como poden deixar fora das axudas ao único festival de teatro que se fai completamente en galego e que ademais este ano aposta polas mulleres e a súa importancia na escena galega. O Fetega é un ben de todos e para todos e nesta ocasión temos que agradecer tanto ao concello do Carballiño como á Deputación que nos axudasen.

-O 90 % dos espectáculos están compostos e dirixidos por mulleres.

-Tentamos reunir a parte do presente, pasado e futuro das mulleres do teatro galego. Obviamente non están todas as que son, pero é unha boa representación. O fundamental é lembrar que levamos sufrido moitas calamidades, que hai moitos máis papeis masculinos que femininos e que aínda agora comezan a xurdir as dramaturgas que escriben enriquecendo co seu punto de vista. E a maioría dos compañeiros de profesión entenden isto como algo necesario tamén.

-¿A maioría o comparten?

-Si. Entenden que isto non é unha guerra, e que temos que ir da man. As artes, ademais, sempre foron pioneiras en amosar, criticar e cambiar o que é inxusto na sociedade.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

«O Festival de Teatro en Galego é un ben de todos e para todos»