A Deputación reeditará a antoloxía da obra poética de Víctor Campio Pereira

O Concello do Carballiño incorporarase á Fundación Insua dos Poetas


ourense / la voz

A Deputación reeditará a antoloxía poética de Víctor Campio que no seu día publicou o Pen Clube Galicia e o presidente do organismo provincial convidou a Xosé Luis Méndez Ferrín a incorporar á publicación o texto na memoria do poeta de Garabás que o escritor e expresidente da Real Academia Galega leu na Festa da Palabra celebrada o sábado na Insua dos Poetas. Na cita do Carballiño -que ía ser unha festa de celebración do 90 cumpreanos de Víctor Campio e que se converteu nunha homenaxe póstuma por mor do pasamento do mesmo uns días antes- Baltar comprometeuse a dar continuidade ao legado do poeta e para iso a Deputación reeditará a súa obra e contribuirá a espallar a mesma para que o traballo do escritor teña maior recoñecemento.

O Carballiño, na fundación

Xosé Luis Méndez Ferrín foi o encargado de facer a laudatio do homenaxeado. Ademais de lembrar as súas diferentes etapas vitais, e a influenza que tivo en poetas como Chus Pato ou Manuel Outeiriño nos seus anos de xuventude, Ferrín laiouse de que a Real Academia Galega non tivese para Víctor Campio o recoñecemento que o poeta merecía.

Na Festa da Palabra o alcalde do Carballiño anunciou a próximo incorporación deste Concello á Fundación Insua dos Poetas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

A Deputación reeditará a antoloxía da obra poética de Víctor Campio Pereira