Xociviga acollerá un encontro audiovisual Galicia-México

O certame proxectará arredor de corenta obras para celebrar a maridaxe histórica entre O Carballiño e o cine

X. M. R.

Este ano celébrase o trinta e cinco aniversario das Xociviga, cita indispensable dentro do marco do panorama audiovisual galego. A presentación tivo lugar onte na casa do Concello de O Carballiño, onde se citaron Diego Fernández Nogueira, concelleiro de Cultura, e Carlos Rodríguez Calvo, da comisión asesora. O festival deste ano conta cunha programación de carácter internacional: «Imos presentar un dos programas con maior interese dos últimos anos», explicou Carlos Rodríguez.

Os actos desenvolveranse entre o 29 de xullo e o 2 de agosto no auditorio municipal Manuel María, onde se proxectarán arredor de corenta filmes, entre longametraxes, documentais, curtas e tráilers, dirixidos a un público de todas as idades. Dentro da variedade de actividades programadas pódense destacar tres actos importantes.

Por un lado, a homenaxe ao cineasta Carlos Velo, mediante unha mostra fotográfica e a visualización de catro dos seus filmes. Por outra banda, a gala do festival, na cal se entregarán os premios Xociviga de Honra, Insignia de Ouro e máis o CurtasoPrima. Por último, un encontro universitario entre México e Galicia, co obxectivo de establecer un convenio de colaboración entre as universidades en materia do audiovisual, coordinada pola Fundación Carlos Velo.

Ademais da visualización de filmes de gran éxito como a galardoada «Dhogs», os asistentes a gala -totalmente gratuíta- poderán ver en exclusiva material inédito de futuras ficcións de Mediaset, como por exemplo un tráiler da popular serie «La Verdad».

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
1 votos
Comentarios

Xociviga acollerá un encontro audiovisual Galicia-México