Fidel Castro no Carballiño


velocidade e a falta de tempo para pararse a cavilar nas cousas nesta nova sociedade hiperconectada fai que rematemos por crear unha realidade que, por veces, non deixa de ser virtual. A presenza de dous referentes da historia e a política do Carballiño fan que se estea a crear un novo episodio de realismo máxico que xa hai días que camiña polos medios de comunicación e polas redes sociais. E non é outro que o que fala da visita de Fidel Castro ao Carballiño.

O cubano fillo dun emigrante galego nunca estivo na vila, por máis que apareza nun bo feixe de fotografías xunto a unha caldeira de polbo e a carón do exalcalde do Carballiño Argimiro Marnotes. Algunhas imaxes corresponden á unha das visitas de Fraga a Cuba, como na que se ve ao carballiñés entregándolle unha bulsa con pratos de madeira para servir o polbo, e daquela Marnotes e o polbeiro Camilo «Ruzo» viaxaron á illa na comitiva oficial. Fidel Castro gostou do traballo dos polbeiros de Arcos, e alá lle deixaron unha caldeira de cobre, tesoiras e outros materiais para que se puxesen os cubanos ao chollo. O finado Pepe Carreiro, amigo e home bo e xeneroso, mandou a súa excelente augardente para facer as queimadas en Cuba. Ofrecéronlle ir, mais arrepuíñaballe voar. Tiña pendurado no salón o diploma de agradecemento que viñera da Habana.

Logo voltaron ter protagonismo na visita de Castro a Galicia, a famosa na que foi coñecer a casa do seu pai en Láncara. Outra volta foron chamados os do Carballiño para preparar o polbo, e a ese novo encontro corresponde outras das imaxes. Mais non, Fidel nunca estivo na vila.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
3 votos
Comentarios

Fidel Castro no Carballiño