O Fetega levará oito obras de teatro en galego a O Carballiño

O festival será entre os días 6 e 9 de setembro, e as funcións repartiranse entre o anfiteatro e o auditorio municipal


O Barco

O Carballiño prepárase xa para o Festival de Teatro Galego (Fetega) que achegará á localidade oito obras feitas no país e que buscan achegar as artes escénicas a todas as idades. Na procura de gustar a todos os públicos, escolléronse os espectáculos, que se repartirán entre o anfiteatro e o auditorio municipal.

No anfiteatro as funcións serán ás oito da tarde. Abrirá o día 6 Pistacatro Produtora de Soños con Encontros. Ao día seguinte será o momento de Ghiriso: The King of the circus, da compañía Desatronauts. O día 7 voltará Pistacatro, esta vez coa obra Trasno; e pechará o ciclo Traspediante con Up2Down.

Na quenda das 22.30 horas, os espectáculos trasladaranse ao auditorio municipal. «Nesta ocasión o festival aposta por unhas obras de luxo», defende Josi Lage, a directora do Fetega. Na xornada inaugural a proposta escollida é Ensaio sobre a cegueira, de Sarabela Teatro, obra con sete nominacións aos premios María Casares. O día 7 Teatro de Ningures alzará a voz contra os malos tratos en Unhas poucas picadelas. O xoves 8 subirá a escena Teatro do Morcego con Nosa señora das nubes; e pechará Eme2 con Monólogo do imbécil. Ese día, a función dará paso á gala final, que estará presentada pola actriz Isabel Blanco.

Actividades paralelas

Ademais das funcións, o festival inclúe unha conferencia sobre O papel da muller no teatro (o día 5) e obradoiros e teatro de rúa (desde o martes 6 ata o venres 9). Como novidade, este ano creouse un espectáculo en exclusiva, o Autobús Clown.

«O Fetega é un festival de galegos para galegos, que procura pór en valor a inmensa calidade dos actores, actrices, directores e traballadores en xeral do sector das artes escénicas na nosa comunidade», defende Lage.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

O Fetega levará oito obras de teatro en galego a O Carballiño