A comarca de Valdeorras presume de viños

La Voz

O BARCO DE VALDEORRAS

LOLITA VÁZQUEZ

A praza de Viloira, de O Barco, acolle a feria da denominación de orixe

15 jul 2017 . Actualizado a las 05:00 h.

Hoxe e mañá • Praza de Viloira (O Barco) • Inauguración oficial ás 12.30 horas • A Feira do Viño de Valdeorras protagonizará as actividades da fin de semana en O Barco. Para esta mañá, ás 12.30 horas, está previsto o acto de inauguración oficial do certame. O pregón inaugural correrá a cargo do actor Javier Veiga e está prevista a presenza do alcalde, Alfredo García, a conselleira de Medio Rural, Ángeles Vázquez, o vicepresidente da Deputación, Rosendo Fernández, e o presidente en funcións do Consello Regulador de Valdeorras, Francisco García. Na cata oficial participaron trece adegas e os premios entregaranse mañá, ás 20.30 horas, xusto antes da clausura da feira.