Kickboxing en Luíntra

Máis dun centenar de deportistas daranse cita na segunda edición do Trofeo de Kickboxing Ribeira Sacra


ourense

O pavillón municipal de LuÍntra acollerá o vindeiro 20 de abril, a segunda edición do Trofeo de Kickboxing Ribeira Sacra, na especialidade de Tatami Sports, no que se darán cita máis dun centenar de deportistas. A presentación deste evento deportivo tivo lugar no Pazo Provincial, acto no que participou o vicepresidente da Deputación de Ourense, Rosendo Fernández; o tenente de alcalde de Nogueira de Ramuín, Raúl Soto; o director técnico da Federación Galega de Kickboxing, Cipri Gomes; e o presidente da Escola Deportiva Nogueira de Ramuín, departamento de Kickboxing e organizador, Rubén Batán.

A Deputación de Ourense colabora con este evento que «aglutina deporte e turismo, pois ademáis de fomentar e dar visibilidade a esta disciplina deportiva na nosa provincia, contribúe a dinamizar o rural, amosando á xente que nos visite o potencial turístico do noso territorio como a Ribeira Sacra, candidata a Patrimonio Mundial da UNESCO», salientou o vicepresidente do goberno provincial.

A competición comezará ás 10.00 horas coas eliminatorias de cada categoría e peso, ata ás 13.00 horas. Pola tarde, celebraranse as finais, desde as 16.00 ás 18.00 horas, coa entrega de medallas aos participantes, sendo en total «máis de 150 encontros os que se realizarán», sinalou Cipri Gomes. A entrada ao evento será gratuíta.

En canto á participación, da que Rubén Batán destacou que «as inscricións creceron case nun 40%”, daranse cita máis dun centenar de deportistas de idades comprendidas entre os 8 e os 40 anos, pertencentes a 16 clubs de Galicia e «o 80% dos participantes son do deporte base», engadiu o director técnico da Federación Galega de Kickboxing.

O evento organizado polo clube Escola Deportiva de Kickboxing Nogueira de Ramuín será xornada oficial da Liga Galega de Clubs 2019 e pretende consolidarse «nun referente dentro do calendario deportivo da federación», dixo Rubén Batán, a quen o tenente de alcalde de Nogueira de Ramuín lle agradeceu «a imaxe que traslada do noso municipio, a nivel nacional, no mundo deportivo».

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

Kickboxing en Luíntra