Trinta anos cos mellores gaiteiros

A Xunta Internacional da Escola da Deputación celebrará un concerto de aniversario


A Xuntanza Internacional de Gaiteiros celebraba o pasado día 13 os seus trinta anos de historia. Unha festa que tiña á fortaleza de Monterrei por escenario, como acontece dende hai tempo, e na que se xuntaban artistas de toda Galicia, Grecia, Italia e Bielorrusia. O certame que se ten convertido nun dos encontros máis importantes do mundo da gaita tivo a súa orixe nun primeiro encontro celebrado nas Festas da Ponte, en Ourense, e antes na creación da Escola Provincial de Gaitas da Deputación.

A escola encetou a súa actividade no curso 1985-1986, baixo a dirección de Xosé Lois Foxo e por iniciativa da corporación que presidía Victorino Núñez Rodríguez. Dende o centro apostouse por potenciar o ensino da gaita con base no pentagrama e levar esta iniciativa pola práctica totalidade dos concellos da provincia. Dentro das actividades paralelas que se foron promovendo, celebrouse o 24 de xullo de 1986 a Xuntanza de Gaiteiros do País. En 1989, na edición celebrada en Valdeorras, pasaría a ter dimensión internacional e ao longo destes anos levan pasado polos festivais artistas de 62 países de África, Asia, Europa e América. Esta faceta permitiu ao director da escola o da Xuntaza, Xosé Lois Foxo, manter contactos con gaiteiros e artesáns de todo o mundo e ir creando o Museo Internacional da Cornamusa.

Ao longo de todos estes anos levan pasado polo certame gaiteiros históricos e novos valores galegos, hoxe xa consagrados, como Emilio Corral, Portela, Nazario González Moxenas, Carlos Núñez, Cristina Pato, Hevia ou Edelmiro Fernández. E de renome internacional como Petko Stefanov, Michael Murphy, Jean Pierre Van Hees oe Katherin Tickel, entre outros. A Real Banda de Gaitas conmemorará os trinta anos da Xuntanza cun concerto nas Festas da Ponte deste ano.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos

Trinta anos cos mellores gaiteiros