«Viradeira», ou como pór en valor o patrimonio subacuático de Galicia

Fernanda Tabarés, directora de Voz Audiovisual, participou no curso de Celanova


ourense / la voz

Un valor patrimonial esquecido, ou cando menos non valorado na súa xusta medida, pode ser un argumento extraordinario para unha serie de ficción televisiva e para crear outros proxectos vencellados ao mundo audiovisual. Así o demostrou onte a directora de Voz Audiovisual na súa participación no Curso de Medios Audiovisuais de Celanova.

Fernanda Tabarés explicou aos alumnos universitarios como se creou para a TVG a serie Viradeira. Na mesma a trama desenvólvese nun pobo mariñeiro e ten como referencia a lenda dun vello tesouro agochado no fondo do mar. Todos toman por tolo ao mariñeiro que vive coa teima, ata que finalmente o pobo é quen de movilizarse para ver de conseguir localizar o tesouro. Na súa participación no Cemac Fernanda Tabarés -que compartiu mesa con Paula Fernández, directora de produción de Viradeira, e Eduardo Lavandeira, director de Buscadores de naufraxios- incidiu no feito de como unha proposta inicial, a serie, poder servir logo de base para un proxecto moito máis amplo, como o documental que se está a preparar sobre os barcos afundidos na costa galega. Lembrou Tabarés que existen 3.000 pecios en Galicia e que hai toda una serie de colectivos e grupos de buceo afeccionados que se mergullan para localizalos. Pór en valor ese patrimonio e amosarlle aos galegos esa arqueoloxía submarina, que aínda non ten a consideración que se merece, é o obxectivo de Buscadores de naufraxios.

 

 

 

 

A xornada do Cemac contou co pase de A estación violenta, de Anxos Fazáns, e Trinta lumes, de Diana Toucedo, e as actrices galegas da serie Fariña. A presenza de Mariana Carballal, Isabel Naveira e Cristina Iglesias serviu para abrir un debate ao redor da presenza da muller na industria audiovisual.

 

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
3 votos
Comentarios

«Viradeira», ou como pór en valor o patrimonio subacuático de Galicia