As actrices galegas de «Fariña» compartirán a súa experiencia no Curso de Medios Audiovisuais

Mariana Carballal, Isabel Naviera e Cristina Iglesias estarán en Celanova o día 4 de xullo


ourense / la voz

O Curso de Medios Audiovisuais de Celanova ultima as súas actividades cando queda unha semana para que comece a edición deste ano. Fundación Carlos Casares, Universidade de Vigo, Deputación de Ourense, Xunta e Concello de Celanova son as entidades implicadas no curso de verán que este ano se desenvolverá entre os días 3 e 6 de xullo no auditorio municipal.

Entre as propostas do Cemac 2018 haberá unha mesa redonda na que participarán as actrices galegas que contaron con papeis destacados na serie Fariña. A cita será o 4 de xullo, na sesión do mediodía, e na mesma estarán Mariana Carballal, Isabel Naveira e Cristina Iglesias. Carballal (Monterrei, 1962) interpretou na serie sobre o narcotráfico galego á muller de Terito. Isabel Naveira (A Coruña, 1975) converteuse na serie na filla de Manuel Charlín -Pilar- e Cristina Iglesias (A Coruña, 1993) deu vida a Leticia, a sobriña de Charlín.

 

Ademais de servir de punto de encontro para explicar a súa experiencia aos alumnos do Curso de Medios Audiovisuais de Celanova, a mesa redonda titulada As actrices galegas en Fariña servirá tamén para confrontar os diferentes puntos de vista destas mulleres que representan tres xeracións distintas de actrices de teatro, cine e televisión. Mariana Carballal compaxina a súa faceta como actriz coa de profesora da Facultade de Ciencias Sociais e Comunicación e a Escola Superior de Arte Dramática de Galicia. Isabel Naveira ten participado en series de televisión -dende Mareas vivas a Serramoura, entre outras- e en películas como O lapis do carpinteiro.

 

 

 

 

Pola súa banda Cristina Iglesias, a máis nova, interpretou personaxes en Serramoura e Urxencia cero, antes de participar en Fariña. Desta serie tamén estará no Cemac Manuel Lourenzo, Terito na ficción televisiva.

 

 

 

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

As actrices galegas de «Fariña» compartirán a súa experiencia no Curso de Medios Audiovisuais