Baltar acolle o Laroucofest a vindeira fin de semana

Este acontecemento coincide coa celebración do campionato europeo de parapente

X.M.R.

A cuarta edición do Laroucofest presentouse onte na Diputación de Ourense, un festival gratuito que terá lugar o 27 e 28 de xullo.

O programa conta cunha gran variedade de actividades: dende a xa tradicional mesa redonda onde se tratarán temas de sensibilización e respeto co medioambiente ata a organización dunhas andainas o longo da Serra do Larouco. A realización de xogos tradicionais, unha cea de confraternización e por suposto, moito baile e música tamén formarán parte destas xornadas.

Pero sen dúbida o prato forte chega o sábado pola noite. De Pé Feito, as Tanxugueiras e Brincadelia Troupe son os tres grupos elexidos para pechar por todo o alto este festival no que a natureza, a música tradicional e o baile se mesturan en favor da cultura e o entretemento.

«Para facer que a xente acuda dende a cidade ó rural precísase dun gran elemento de atracción», afirmaba Daniel Ferreiro, un dos organizadores do evento, falando dos concertos que ofrecerán estas agrupacións.

O obxetivo deste proxecto é levar a cabo un movemento asociativo no que a xuventude participe na dinamización do rural, referíndose neste caso, as aldeas que se sitúan en torno a Serra do Larouco.

Na cita estivo presente o alcalde do municipio de Baltar, José Antonio Feijóo, que agradeceu a colaboración do concello ourensán e a iniciativa, o traballo e a implicación da xuventude por organizar este tipo de actividades. «Cando a xente nova se une para poñer en marcha un proxecto, as dificultades acaban convertíndose en potencialidades», afirmaba durante o peche da súa intervención o concelleiro de cultura, Manuel Doval.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Baltar acolle o Laroucofest a vindeira fin de semana