A derradeira vontade de Rodolfo Prada cúmprese e os seus restos descansarán en Galicia

As cinzas do galeguista dos Peares foron entregadas onte na Deputación de Ourense


ourense / la voz

A derradeira vontade de Rodolfo Prada Chamocín (Os Peares, 1892 - Bos Aires, 1980) era volver a Galicia. Mais non á da ditadura e da falta de liberdades, senón a unha terra que vivise nun tempo democrático e cun goberno de seu. Lembrouno a súa neta, María Elena Prada, cando hai uns días se inaugurou o monumento na súa memoria fronte á casa natal. Demandaba daquela a neta do galeguista -amigo de Castelao, editor do Sempre en Galiza e albacea do rianxeiro- o apoio da Xunta e da Deputación para cumprir o desexo do seu avó agora que se dan as condicións que el desexaba.

E os restos de Rodolfo Prada foron recibidos onte na Deputación de Ourense nun acto solemne. O presidente do PEN Clube Galicia, Luís González Tosar, foi o responsable de traelos dende Arxentina e onte fixo entrega dos mesmos ao organismo provincial. José Manuel Baltar Blanco calificou de «xornada histórica» a volta de Rodolfo Prada «a unha Galicia cun goberno de seu».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A derradeira vontade de Rodolfo Prada cúmprese e os seus restos descansarán en Galicia