A actividade servirá como acto de peche do curso do Obradoiro de instrumentos antigos da Deputación de Ourense
30 mar 2024 . Actualizado a las 05:00 h.O Centro Cultural Marcos Valcárcel acollerá o próximo martes, día 2 de abril, o acto de remate do curso 2023-2024 do Obradoiro de instrumentos da Deputación de Ourense. Na convocatoria incluirase un concerto didáctico e unha clase maxistral do artista armenio Hovhannes Karakhanyan, especialista na frauta coñecida como «Duduk», instrumento con máis de 3.000 anos de antigüidade. Na convocatoria procederase á entrega de diplomas do curso que agora remata e que foi impartido por Manuel Brañas e Xosé Maceda.
Pola súa antigüidade e a súa historia o «Duduk» ten a consideración de obra mestra do Patrimonio Cultural Intanxible Mundial da UNESCO.
Karakhanyan, artista recoñecido internacionalmente, adica a súa vida a dominar este instrumento e a transmitir os seus pensamentos e sentimentos a través del, difundindo a súa paixón polo «Duduk» a través de concertos, talleres e clases maxistrais por toda Europa.
A clase do artista armenio desenvolverase o día 2, de doce da mañá a seis da tarde, e ao remtar terá lugar o concerto de Hovhannes Karakhanyan. O comezo do mesmo está previsto para as sete e media. As dúas actividades, clase e concerto, son de entrada libre.