A guerra e a esperanza protagonizan o concurso infantil e xuvenil de narración curta Carlos Casares

«A guerra é inxusta» é o título dunha das obras gañadoras do Concurso literario infantil e xuvenil de narración curta Carlos Casares, que convoca o Concello de Xinzo de Limia e que nesta edición mostrou a traxedia da guerra en Ucraína. A autora é María Sotelo Alonso, primeiro premio na categoría de primeiro e segundo de Primaria. O segundo premio recaeu no traballo «O misterio do coello desparecido», de Antón Sánchez Joga. Na categoría de debuxo dos cursos de Infantil, o xurado decidiu outorgar un primeiro premio colectivo aos nenos do CEIP Carlos Casares e a súa mestra Sonia Nogueiras. Navea Gil Medeiros recibirá o segundo premio.

Para os nenos de terceiro e cuarto curso de primaria tamén se establecen dous galardóns. O primeiro titúlase «Ela é especial» e foi escrito por Noa Carballo Riveiro, mentres que o segundo recaeu na obra «Esperanza», de David Devesa González. Os gañadores da categoría de quinto e sexto de primaria son, en primeiro e segundo posto, Leo Rodríguez Enríquez coa súa obra «Ser como o avó» e Carla Gómez Pérez con «A máquina do tempo misteriosa».

O primeiro premio da categoría de primeiro e segundo curso de secundaria é para Noa Rodríguez Enríquez, con «Esquecer lembrar». O segundo premio, co título «A gran pintora», foi escrito por Naia Sánchez Rodríguez. No resto das categorías quedaron desertos.

A entrega de premios realizarase este martes ás 19.00 horas, no praza Maior, dentro da programación polo Día das Letras Galegas. Outorgaranse vales para mercar libros nas librarías da vila. 

---

---

---