Os lectores poderán ler «Aura 1964» antes de ver a película
06 sep 2021 . Actualizado a las 13:52 h.A editorial Galaxia inaugura a colección Guión, na que aposta pola publicación de textos escritos para cine, con Aura 1964 do ourensán Ignacio Vilar. Os lectores accederán ó guión antes de asistir á estrea da película. Galaxia define a iniciativa como unha novidade sen precedentes polo feito de achegar ó público o texto antes que a longametraxe: «Terá que construír a película a través da palabra e a propia imaxinación, coas súas cores e imaxes».
«Ningún ditado pode sufocar a sede de liberdade dun neno». Esta é a frase que enmarca a portada do título. «Toda unha declaración de intencións do cineasta que, a través destas páxinas, achéganos a unha realidade marcada polo adoutrinamento, a mentira e a aldraxe da dignidade en nome de Deus e da patria fascista», explican desde Galaxia.
O protagonista, Siro, amosará como era o ambiente da época, opresiva e abafante, na que a sociedade se viu obrigada a subsistir. Unha situación á que, a través da rebelión, o mozo e os seus amigos Cosme e Berto, despregarán a súa maxia adolescente vivindo momentos de iniciación e descubertas, nunha búsqueda constante da liberdade.
Entre a filmografía de Ignacio Vilar están Pradolongo, Vilamor, A Esmorga ou María Solinha. No 2015 recibiu o Premio da Cultura Galega polo seu compromiso ca lingua.