Os socialistas queren que o Goberno aclare que conclusións se tiraron do proceso
24 jun 2021 . Actualizado a las 14:02 h.Os deputados autonómicos do PSOE Noa Díaz Varela e Luís Manuel Álvarez Martínez rexistraron unha pregunta no Parlamento de Galicia en relación á retirada temporal da candidatura da Ribeira Sacra ante a Unesco. Os socialistas emprazan ao Executivo a que aclare «Que leccións cre o Goberno galego que cómpre extraer do fracaso da candidatura da Ribeira Sacra a Patrimonio da Humanidade?».
Dende as filas socialistas lembran que se foron promovendo acordos, entre eles a declaración de BIC da zona, para que a Ribeira Sacra optase a se converter en Patrimonio da Humanidade da Unesco e que a Xunta de Galicia optou por un «aprazamento estratéxico» do último paso para solicitar a declaración logo do informe negativo elaborado por Icomos. En base ao sucedido o PSOE amosa a súa preocupación e considera que se debe reformular a estratexia de cada ao futuro. Sobre a situación creada e as accións a desenvolver é sobre o que queren un pronunciamento do Goberno galego.