Alexandra Seara: «Corremos o risco de morrer de éxito, hai que ser sostibles e desestacionalizar»

xosé manoel rodríguez OURENSE / LA VOZ

OURENSE

Alexandra Seara, xerente do Consorcio de turismo Ribeira Sacra
Alexandra Seara, xerente do Consorcio de turismo Ribeira Sacra Santi M. Amil

A xerente do Consorcio de turismo Ribeira Sacra di que este destino rexistrou durante o ano pasado 300.000 pernoctacións

13 jun 2021 . Actualizado a las 10:30 h.

Aínda que resulte paradóxico non hai tanto tempo que a Ribeira Sacra ourensá non existía en Lugo e da lucense non se tiñan novas, é un dicir, en Ourense. No ano 2005 nacía o Consorcio de turismo Ribeira Sacra e a realidade, máis de tres lustros despois, é vizosa e albisca un futuro de grandes posibilidades. Alexandra Seara Sobrino é a xerente do consorcio dende o 2008.

Cantos concellos forman o destino: 20, 21, 25?

—Cando botou a andar o consorcio eran vinte. Agora somos 21 e hai catro pendentes de integrar para que sexan os 25 que están no BIC e no destino turístico: San Xoán de Río, Manzaneda, A Pobra de Trives e Chandrexa de Queixa.

Hai días que o secretario de Estado de Turismo, Fernando Valdés, lle entregou en Fitur a certificación Sicted. É un recoñecemento ao feito nestes anos?