Esta edición do Fetega contou cun 40 % máis de participación que no 2020
23 mar 2021 . Actualizado a las 05:00 h.Ao Festival de Teatro Galego Celso Parada do Carballiño (Fetega) presentáronse neste 2021 un total de 141 espectáculos, un 40 % máis de participación que na edición pasada, onde se recibiron 104 propostas. Todas as obras presentadas están en galego e están producidas en Galicia. 16 delas son estreas. A categoría adulta contou coa máxima participación, e nela se inscribiron 51 funcións. Seguiuna a de performance, con 26 producións presentadas. A categoría de espectáculos na rúa recibiu 23 propostas; a de teatro para nenos, 21; a de exterior en anfiteatro, 12; e os monólogos cómicos, 8. Entre todos eles seleccionaranse os que formarán parte da programación definitiva, que poderá disfrutarse no Carballiño a segunda semana de setembro.
Entre os proxectos inscritos que recibiu o equipo que organiza o Fetega, hainos de xéneros e temáticas moi variados, como o circo, o teatro clásico, a comedia musical, a improvisación, a maxia, o cabaré ou o teatro contemporáneo, entre moitos outros.