Ourense: Catro espazos vencellados ao legado da Xeración Nós

Cidade da Cultura, Rúa do Paseo, Arqueolóxico e Casa dos poetas (Celanova) • O día 30 cúmprense o centenario da saída do primeiro número da revista Nós e son varias as iniciativas vencelladas ao legado da publicación e á Xeración Nós. 

Na Cidade da Cultura de Galicia, en Compostela, abriuse ao público a exposición de referencia sobre o centenario: «De Nós a nós». Estará no Gaiás ata xaneiro e logo visitará varias cidades de Galicia. No Paseo pode verse a mostra «O significado de NÓS», proxecto desenvolvido pola Fundación Vicente Risco. En Celanova, na Casa dos poetas, amosa o artista Xosé Poldras o seu proxecto «Gravados e monotipos para a Xeración Nós». O Arqueolóxico súmase á celebración dedicando a peza do mes á «Vista de Praga», de Risco.