A Xunta convida aos concellos con cascos históricos a sumarse a un proxecto para dotalos de fibra óptica

La Voz

OURENSE

Santi M. Amil

No caso da provincia de Ourense son seis as zonas monumentais que poden acceder ao proceso

13 jul 2020 . Actualizado a las 05:00 h.

O Consello da Xunta desta semana acordou facer unha consulta aos 28 concellos galegos que concentran os 32 conxuntos históricos de Galicia para sumarse a unha consulta aberta aos operadores para despregar a fibra óptica nestas zonas. A iniciativa adoptouse logo do resultado satisfactorio do proceso promovido en Santiago de Compostela, no que uniron esforzos o Concello, o operador público Retegal e a dirección xeral de Patrimonio. Tras elaborar un «Catálogo de solucións técnicas» presentaron ofertas sete empresas, pechándose finalmente o proceso con R, Telefónica e Orange. Esta última firma solicitou licenza en xuño e investirá 2,4 millóns en dotar de fibra óptica toda a zona do plan especial de Compostela. No caso da provincia de Ourense son seis os cascos históricos aos que se lle fai o convite para participar na consulta: Santa Mariña e Allariz (Allariz), Ribadavia, Pazos de Arenteiro (Boborás), Ourense e Castro Caldelas.