O Xurés contará con puntos de información virtual en cada unha das súas seis entradas por Ourense

A Consellería de Medio Ambiente, Territorio e Vivenda vén de licitar un contrato para a adquisición, instalación e mantemento de puntos de información virtual que se instalarán en cada unha das entradas galegas da Reserva da Biosfera Transfronteiriza Gerês-Xurés. En canto ás características exteriores destes dispositivos, destaca a cuberta de aceiro resistente a exteriores, unha cuberta de vidro antideslumbrante, un pé de ancoraxe ao chan, cristal especial temperado de 5 mm e antirrefletante, así como protección fronte a cambios meteorolóxicos e actos vandálicos.

 Estes seis dispositivos informáticos localizaranse nas seis entradas a este espazo natural. Así, no Concello de Bande estará localizado xunto ao Centro de Interpretación do campamento Aquis Querquennis; en Muíños situarase xunto a unha parede na entrada do Centro de interpretación “Porta do parque de Muíños e en de Calvos de Randín este dispositivo estará localizado na fachada do concello. En Entrimo, localizarase na entrada da Biblioteca municipal e tanto no concello de Lobios, coma no de Lobeira está xunto á parede de entrada do Centro de interpretación Porta do Parque de Lobios e Porta do Parque de Lobeira, respectivamente.  Trátase dunha actuación que está cofinanciada nun 75 % pola Unión Europea a través do Fondo Europeo de Desenvolvemento Rexional (FEDER) do programa de Cooperación Interreg España- Portugal

---

---

---