A biblioteca pública do Estado en Ourense chamarase Xeración Nós

A nova sede acollerá o Consejo de Cooperación Bibliotecaria de España no mes de marzo


Ourense

ABiblioteca Pública do Estado en Ourense chamarase Xeración Nós, tras a revisión por parte da Xunta de Galicia de todas as propostas e as argumentacións recibidas por parte da cidadanía e entidades culturais. O pasado mes de xaneiro a Consellería de Cultura e Turismo puxo en marcha un proceso aberto para que as persoas interesadas participasen na proposta de denominacións coa que nomear este novo equipamento cultural inaugurado en decembro en San Francisco. O departamento autonómico, como administración pública xestora desta biblioteca, recibiu ata o 3 de febreiro case 50 propostas e tras a revisión de todas e cada unha delas, decidiu que Xeración Nós é a denominación máis acaída.

 Cómpre destacar, din dende a Xunta, «que este ano se celebra o centenario do inicio da publicación da revista Nós, que foi o principio dunha xeración especialmente brillante na investigación, divulgación e reflexión sobre a construción da identidade galega, con máis de 200 colaboradores de toda Galicia e de fóra dela ata 1936, ano de remate da súa edición. Tratábase dunha publicación aberta que afondou na dimensión conectada da cultura galega co exterior. Todos estes aspectos xustifican a utilización do nome Xeración Nós, que forma parte do feito cultural ourensán, galego e internacional».

 Ademais, explican, esta denominación recibiu o apoio de entidades culturais galegas e ourensás como a Fundación Otero Pedrayo, a Fundación Penzol, o Consello da Cultura Galega, a Fundación Uxío Novoneira, o Museo do Pobo Galego, a Asociación do Patrimonio Galego O Sorriso de Daniel, a Delegación Arxentina da Fundación Galicia América ou o Ateneo de Ourense, entre outras.  A nova sede da Biblioteca Pública de Ourense acollerá o Consejo de Cooperación Bibliotecaria de España no mes de marzo, que reunirá a 75 profesionais que canalizarán a cooperación entre as administracións públicas españolas neste ámbito. Así o avanzou o director xeral de Políticas Culturais, Anxo M. Lorenzo, despois da reunión do Consello de Cooperación Bibliotecaria na que se fixo balance da actividade desenvolvida en 2019 e se abordaron as accións e programacións previstas para este ano.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
2 votos
Comentarios

A biblioteca pública do Estado en Ourense chamarase Xeración Nós