«A nosa vocación é tocar temas universais, sen fronteiras»

A alaricana chega esta tarde ao Principal coa compañía Teatro en Vilo para pechar a edición do FITO


ourense / la voz

Teatro En Vilo é unha compañía internacional de teatro afincada en Madrid, pero fundada en Londres en 2013. Unha de súas creadoras é a dramaturga alaricana Noemí Rodríguez. Teatro en Vilo é unha das poucas compañías internacionais, pola presenza de persoas de diferentes países, que acadou premios no estranxeiro e que acaba de obter El Ojo Crítico de teatro. Esta tarde (19.00 horas) estarán no Teatro Principal.

-Como naceu Teatro en Vilo?

-Todo comezou cando conseguín unha beca da fundación Barrié e fun estudar a Londres un postgrado de artes escénicas, alí coñecín a outra directora, a Andrea Jiménez. Vimos que tiñamos moitas cousas en común e tras terminar os estudios fundamos a compañía.

-Cando deciden trasladarse a Madrid?

-Fixémolo porque ao final no Reino Unido estábanse pondo as cousas complicadas para os que non eramos de alí e tamén apetecíanos traballar en España.

-Trátase dunha compañía internacional.

-Si. Primeiro porque viaxamos bastante por Europa e porque temos colaboradores de distintas procedencias. Esta é unha das características especiais.

-Como definiría a súa forma de facer teatro?

-A nosa maneira de traballar é moi especifica e un pouco diferente. Ven da corrente europea de traballo de creación. É dicir, nós non facemos un traballo a partir dun texto, senón que creamos a partir do que pasa na escena cos propios actores. A partir de aí elaboramos o texto e empezamos a montar o espectáculo. O que facemos ten que ver coas novas linguaxes escénicas, co teatro de creación. Un traballo moi pensado para o público que aspira a reflectir moi ben a sociedade contemporánea. Os temas son relevantes no momento actual. O humor é moi importante e a parte coreográfica e xestual tamén.

-Esta é a segunda vez que actúan en Ourense. A anterior, tamén no marco do FITO.

-Así é. A nosa primeira incursión en Ourense foi grazas ao FITO e agora estamos encantadas con regresar.

-Que poderá ver o público ourensán?

-É un espectáculo moi divertido. Creo que a xente vaise sentir moi reflectida nel. Pregúntaselle a tres mulleres de diferente procedencia que é o que queren para o seu futuro. Todas ten trinta anos, son da xeración Y ou milenial. Durante o espectáculo verase os intentos de elas para responder a esa pregunta dende a comedia con momentos emocionantes.

-Teñen varias obras en cartel, como o traballan?

- Realmente apórtache un pouco de diversidade, de cambio dunha rutina. Chegas con máis ganas ao espectáculo porque vés doutra cousa. Para nos é bo é moi interesante. O que traemos a Ourense é o noso segundo espectáculo e xa vamos polo quinto. Témolo movido por outras cidades e países e por gran arte da xeografía española. É un espectáculo con bastante recorrido e maduro, aínda así, moi fresco.

-É unha compañía nova, pero ten unha longa lista de premios.

-Recibimos premios sobre todo fóra de España. Tivemos en Inglaterra, Chipre, Portugal ou Italia. Aquí moito menos, aínda que o de El Ojo Crítico non o esperabamos, e estamos moi contentas, sobre todo de que no panorama teatral español se valore o tipo de teatro que facemos nós, que é un pouco diferente. En Cangas, por exemplo, recibimos un premio do público que nos fixo moita ilusión. E tivemos dúas candidaturas aos MAX.

-Actúan noutros países, ¿como fan para adaptar os textos?

-A realidade do que contamos é mi parecida, sobre todo nos países do sur de Europa. O que si facemos é levalos a outros idiomas. Nós temos a vocación de tocar temas que sexan universais, facer espectáculos para todo o mundo e que vaian mais aló das fronteiras ou de calquera cousa que sexa limitante para espectador que acuda ao teatro.

-E tamén teñen que versionar ao idioma correspondente.

-Efectivamente temos distintas versións deste mesmo espectáculo a novel de lingua. Facémolo en inglés, italiano, castelán en tamén, cando estamos en Galicia, facemos grandes partes en galego.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

«A nosa vocación é tocar temas universais, sen fronteiras»