Isabel Mociño: «Na lectura hai que potenciar os gustos de cada un»

A coordinadora do Ciclo de Literatura Infantil e Xuvenil do campus de Ourense é mestra na Facultade de Ciencias da Educación


Ourense / La Voz

Isabel Mociño (Sarreaus, 1974) coordina por quinto ano consecutivo o Ciclo de Literatura Infantil e Xuvenil, que se leva a cabo na Facultade de Ciencias da Educación do campus e afronta a súa terceira sesión trala presencia de María Solar e Fran Alonso. Agora, o turno será para o ilustrador Jacobo Fernández.

-Se é o quinto ano, enténdese a que a experiencia do ciclo de literatura está sendo boa.

-En principio a idea foi ofrecer unha actividade complementaria ó noso alumnado, como é asistir a presentacións de autores. En Ourense hainas a veces nalgunhas librerías, pero de forma puntual. Así que vimos que había unha posibilidade de mellora con actos específicos en facultades como a nosa.

-Custa chegar ás novas xeracións só a través do texto?

-Un dos problemas que presenta a lectura é que supón un esforzo. Para activalo hai que traballar isto desde ben pequenos. No caso dos bebés, hai que familiarizalos cos libros a nivel sensorial. Teñen que aprender cos cincos sentidos. Se lles das un dispositivo electrónico como unha tablet só ven algo plano. E en Infantil, por exemplo, non vexo ben que ós nenos sempre lles poñan os mesmos libros a todos. Na lectura, hai que potenciar os gustos e preferencias de cada un.

-Algúns dos seus alumnos fai uso do que ve neste ciclo?

-Hai casos de xente que está experimentando con aplicacións de imaxe e texto. E poden descubrir a outros autores dos que non tiñan nin idea. E que pase isto na sociedade da información na que vivimos na actualidade é bastante peculiar.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
2 votos
Comentarios

Isabel Mociño: «Na lectura hai que potenciar os gustos de cada un»