Rexistrada a denominación «O camiño do viño», da ruta do Ribeiro

A iniciativa é un proxecto da asociación Ruta do viño do Ribeiro


ourense / la voz

A Oficina Española de Patentes e Marcas -do Ministerio de Enerxía, Turismo e Axenda Dixital- vén de conceder o rexistro da marca O Camiño do viño á Asociación Ruta do Viño do Ribeiro. A iniciativa que agora consegue o respaldo de Patentes e Marcas é un proxecto desenvolvido dende a asociación Ruta do viño do Ribeiro que ten como obxectivo pór en marcha e consolidar unha marca xenérica «co gallo de potenciar o territorio da comarca de O Ribeiro como destino enoturístico». Vencellada a esta iniciativa, e co apoio da Deputación, o Consello e o Xeodestino O Ribeiro-O Carballiño desenvolvéronse varias iniciativas durante este ano, entre outras a teatralización histórica da chegada do viño da denominación de orixe a Compostela, coa entrada dos arrieiros pola porta de Mazarelos. A marca O camiño do viño é compatible con outras accións que se están a desenvolver, como a de conseguir o recoñecemento do Camiño Miñoto Ribeiro ou a potenciación do Camiño dos arrieiros.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

Rexistrada a denominación «O camiño do viño», da ruta do Ribeiro