«Xustiza, verdade e reparación» para Bóveda

A Deputación homenaxeou a Alexandre Bóveda no aniversario do seu asasinato


Ourense

O 17 de agosto de 1936 Alexandre Bóveda, mestre do galeguismo, foi asasinado. A Deputación de Ourense quere que esta data sexa institucionalizada como o Día da Galicia Mártir en homenaxe aos perseguidos e executados pola súa defensa de Galicia. A institución provincial ourensá aprobou o pasado mes de marzo unha proposta do goberno do PP para instar ao Parlamento galego a que así sexa e onte José Manuel Baltar tivo oportunidade de recordarllo ao presidente da Cámara, Miguel Santalices, e ao conselleiro de Cultura, Román Rodríguez, no acto organizado pola Deputación para homenaxear a Bóveda no aniversario da súa morte.

Alí, na rúa Barreira, xunto á súa casa natal e á escultura que o recorda, estaban representantes de todos os grupos políticos que participaron na aprobación daquela moción así como do Partido Galeguista. Tamén estaba Amalia Bóveda, filla de Alexandre e presidenta da fundación que leva o nome do seu pai. No seu discurso, reivindicou «xustiza, verdade e reparación». Previamente o presidente da Deputación falara dun «vil asasinato» e dun «xuízo farsa» no que cualificou como una «barbarie incivil». Baltar tamén dixo que é tempo de «reparar erros» e, sobre Bóveda e o seu galeguismo, concluíu: «A Galicia que el imaxinou aínda é posible».

As autoridades -entre as que estaba presente o alcalde, Gonzalo Pérez Jácome- participaron despois nunha ofrenda floral en homenaxe ao mestre e o acto concluíu co himno galego, cantado por membros da Coral de Ruada.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
4 votos
Comentarios

«Xustiza, verdade e reparación» para Bóveda