O BNG censura que a «paixón» do exalcalde Ferro eran «os cartos» ao ser este designado asesor de Baltar na Deputación
OURENSE
Os nacionalistas critican que os exrexedor aceptase o cargo remunerado e din que o PP usa as institucións para satisfacer os intereses dos membros do partido
02 ago 2019 . Actualizado a las 05:00 h.O BNG de Celanova expresou a súa censura á práctica do PP de «utilizar as institucións públicas en beneficio persoal dos membros do partido». Os nacionalistas critican a decisión de nomear ao exalcalde da vila, o popular José Luis Ferro, como asesor de José Manuel Baltar na Deputación de Ourense.
O Bloque censura que o exalcalde aceptase este nomeamento. Segundo o BNG, isto evidencia que «o uso principal que o Partido Popular fai das institucións: lonxe de poñerse a traballar para o interese público, ponas a traballar para satisfacer o interese dos membros do partido». Para os nacionalistas, esta designación e o soldo que leva aparellada reflicten «cal era a "paixón" que move a Ferro: non era Celanova (como dicía o seu eslogan electoral hai apenas tres meses) se non os cartos».